"Matrix" şirkəti "Telematika 2012"-də

21–24 noyabr tarixlərində Belarus Respublikasının paytaxtı yaxınlığında GURTAM-ın "Telematika 2012" tərəfdaşlar konfransı keçirildi. Konfrans GURTAM-ın xaricdəki tərəfdaşları ilə yanaşı, Wialon əsasında işləyən avadanlıq istehsalçılarını da bir araya gətirmişdi. Tədbirdə Matrix şirkəti və Yollar brendi 2012-ci ilin yekunlarına görə GURTAM-ın Yaxın Şərqdə ən yaxşı tərəfdaşı elan edildi və "GOLD" tərəfdaş nominasiyası ilə təltif olundu.

Telematika ilbəil təşkil olunan tədbirdir. Məqsəd M2M bazarında çalışan iri şirkətlərin bir-biri ilə heç bir coğrafi maneə və vasitəçilər olmadan əlaqə qurması, həmçinin nou-hau mübadiləsi üçün şərait yaratmaqdır.